ഒരു കാർ സ്വന്തമാക്കുക എന്നത് ഇന്നും പല കുടുംബങ്ങളുടെയും വലിയ സ്വപ്നമാണ്. എന്നാൽ കഴിഞ്ഞ കുറച്ച് വർഷങ്ങളായി വാഹനവില കുത്തനെ ഉയർന്നതോടെ പുതിയ കാർ വാങ്ങുക പലർക്കും പ്രയാസകരമായിരിക്കുകയാണ്. ഇതോടെയാണ് കൂടുതൽ ആളുകളും സെക്കൻഡ് ഹാൻഡ് അല്ലെങ്കിൽ യൂസ്ഡ് കാർ വിപണിയിലേക്ക് തിരിഞ്ഞത്.
ഇന്ന് ഹാച്ച്ബാക്ക് മുതൽ പ്രീമിയം എസ്യുവി വരെ മികച്ച സെക്കൻഡ് ഹാൻഡ് വാഹനങ്ങൾ വിപണിയിൽ ലഭ്യമാണ്. കുറഞ്ഞ ബജറ്റിൽ വാഹനം സ്വന്തമാക്കാനാകുന്നതും ഉടൻ ഡെലിവറി ലഭിക്കുന്നതുമാണ് യൂസ്ഡ് കാർ മാർക്കറ്റിന്റെ പ്രധാന ആകർഷണം. എന്നാൽ ശരിയായ പരിശോധനകളില്ലാതെ ഒരു ഉപയോഗിച്ച കാർ വാങ്ങുന്നത് പിന്നീട് വലിയ സാമ്പത്തിക നഷ്ടത്തിലേക്കും മെന്റനൻസ് തലവേദനയിലേക്കും നയിക്കാം.
പ്രത്യേകിച്ച് ലോൺ എടുത്ത് യൂസ്ഡ് കാർ വാങ്ങുന്നവർ കൂടുതൽ ജാഗ്രത പാലിക്കേണ്ടതുണ്ട്. ഇഎംഐ, പലിശ നിരക്ക്, വാഹനത്തിന്റെ യഥാർത്ഥ അവസ്ഥ, ഭാവി ചെലവുകൾ, E20 പെട്രോൾ അനുയോജ്യത തുടങ്ങിയ കാര്യങ്ങൾ മുൻകൂട്ടി പരിശോധിക്കാതെ തീരുമാനമെടുത്താൽ പിന്നീട് “വേണ്ടായിരുന്നു” എന്ന് തോന്നാൻ സാധ്യതയുണ്ട്.
ഇതാ ഉപയോഗിച്ച കാർ വാങ്ങുന്നതിന് മുൻപ് നിർബന്ധമായും അറിഞ്ഞിരിക്കേണ്ട പ്രധാന കാര്യങ്ങൾ:
1. പലിശ നിരക്ക് ആദ്യം താരതമ്യം ചെയ്യുക
പുതിയ കാറുകളെ അപേക്ഷിച്ച് യൂസ്ഡ് കാർ ലോണുകൾക്ക് പലിശ നിരക്ക് കൂടുതലായിരിക്കും. കാരണം ഉപയോഗിച്ച വാഹനങ്ങൾക്ക് റീസെയിൽ മൂല്യം വേഗത്തിൽ കുറയുമെന്നാണ് ധനകാര്യ സ്ഥാപനങ്ങളുടെ വിലയിരുത്തൽ.
അതുകൊണ്ട്:
- ബാങ്കുകൾ
- എന്ബിഎഫ്സികള്
- സ്വകാര്യ ഫൈനാൻസ് സ്ഥാപനങ്ങൾ
- ഡീലർ ഫൈനാൻസ്
എന്നിവിടങ്ങളിലെ പലിശ നിരക്കുകളും ചാർജുകളും തമ്മിൽ താരതമ്യം ചെയ്തതിന് ശേഷം മാത്രമേ ലോൺ തിരഞ്ഞെടുക്കാവൂ.
2. നല്ല ക്രെഡിറ്റ് സ്കോർ വലിയ ഗുണം ചെയ്യും
സിബിൽ സ്കോർ മികച്ചതാണെങ്കിൽ കുറഞ്ഞ പലിശ നിരക്കിൽ ലോൺ ലഭിക്കാനുള്ള സാധ്യത കൂടുതലാണ്. സാധാരണയായി 750-ന് മുകളിലുള്ള സ്കോർ മികച്ചതായാണ് കണക്കാക്കുന്നത്.
ക്രെഡിറ്റ് സ്കോർ കുറവാണെങ്കിൽ:
- പലിശ കൂടാം
- ലോൺ തുക കുറയാം
- അപേക്ഷ നിരസിക്കപ്പെടാനും സാധ്യതയുണ്ട്
3. ലോണ്-ടു-വാല്യൂ (LTV) അനുപാതം മനസിലാക്കണം
കാറിന്റെ വിലയുടെ എത്ര ശതമാനം ലോൺ ലഭിക്കും എന്നതാണ് LTV Ratio.
പഴയ വാഹനങ്ങൾക്ക് സാധാരണയായി:
LTV കുറവായിരിക്കും
കൂടുതൽ ഡൗൺ പേയ്മെന്റ് ആവശ്യമായി വരും
അതുകൊണ്ട് നിങ്ങളുടെ സാമ്പത്തിക ശേഷി കണക്കിലെടുത്ത് ലോൺ തിരഞ്ഞെടുക്കുക.
4. ഇഎംഐ (EMI) കുറവെന്ന് മാത്രം നോക്കി ദീർഘകാല ലോൺ എടുക്കരുത്
പലരും കുറഞ്ഞ EMI കണ്ടാണ് കൂടുതൽ കാലാവധിയുള്ള ലോൺ തിരഞ്ഞെടുക്കുന്നത്. എന്നാൽ ഇത് ആകെ പലിശ തുക കുത്തനെ ഉയരാൻ കാരണമാകും.
സാധാരണയായി യൂസ്ഡ് കാർ ലോണുകളുടെ കാലാവധി:
- 12 മാസം മുതൽ
- 60 മാസം വരെ
ആയിരിക്കും.
മാസവരുമാനവും മറ്റു ചെലവുകളും കണക്കിലെടുത്ത് തിരിച്ചടക്കാൻ കഴിയുന്ന കാലാവധിയാണ് തിരഞ്ഞെടുക്കേണ്ടത്.
5. ഡൗൺ പേയ്മെന്റ് കൂടുതൽ നൽകിയാൽ പലിശ ഭാരം കുറയും
മിക്ക ബാങ്കുകളും കാറിന്റെ മൊത്തം വിലയുടെ 70% മുതൽ 90% വരെ മാത്രമേ ലോൺ അനുവദിക്കാറുള്ളൂ.
കൂടുതൽ ഡൗൺ പേയ്മെന്റ് നൽകിയാൽ:
- EMI കുറയും
- പലിശ ഭാരം കുറയും
- ലോൺ വേഗത്തിൽ തീർക്കാം
6. പ്രോസസിങ് ഫീസ്, മറഞ്ഞിരിക്കുന്ന ചാർജുകൾ ചോദിക്കണം
പലരും പലിശ നിരക്ക് മാത്രം നോക്കി ലോൺ എടുക്കാറുണ്ട്. എന്നാൽ:
- പ്രോസസിങ്ങ് ഫീസ് ( Processing Fee )
- ഫോർക്ലോഷർ ചാർജ് ( Foreclosure Charges )
- പ്രീപെയ്മെന്റ് പെനാൽറ്റി ( Prepayment Penalty )
- ഡോക്യൂമെന്റഷന് ചാർജ് ( Documentation charge )
പോലുള്ള അധിക ചെലവുകളും ഉണ്ടാകാം.
ലോൺ എടുക്കുന്നതിന് മുൻപ് എല്ലാ ചാർജുകളും എഴുതി വാങ്ങുന്നത് നല്ലതാണ്.
7. വാഹനത്തിന്റെ യഥാർത്ഥ അവസ്ഥ പരിശോധിക്കണം
ഒരു യൂസ്ഡ് കാർ വാങ്ങുമ്പോൾ ഏറ്റവും പ്രധാനപ്പെട്ട ഘടകം വാഹനത്തിന്റെ അവസ്ഥയാണ്.
നിർബന്ധമായും പരിശോധിക്കേണ്ടവ:
- സർവീസ് ചരിത്രം
- ഇൻഷുറൻസ് ക്ലെയിം
- ആക്സിഡന്റ് ഹിസ്റ്ററി
- ഓഡോമീറ്റർ തട്ടിപ്പ് ഉണ്ടോയെന്ന്
- RC വിവരങ്ങൾ
- ടയർ, സസ്പെൻഷൻ, ക്ലച്ച് അവസ്ഥ
സാധ്യമെങ്കിൽ വിശ്വസനീയമായ ഒരു മെക്കാനിക്കിനെ കൂടെ കൊണ്ടുപോകുക.
8. പഴയ വാഹനങ്ങൾക്ക് ലോൺ ലഭിക്കാൻ ബുദ്ധിമുട്ടുണ്ടാകും
8 മുതൽ 10 വർഷം വരെ പഴക്കമുള്ള വാഹനങ്ങൾക്ക് പല ബാങ്കുകളും ലോൺ അനുവദിക്കാറില്ല.
15 വർഷം രജിസ്ട്രേഷൻ പരിധിക്ക് അടുത്ത വാഹനങ്ങൾ വാങ്ങുന്നത് ഭാവിയിൽ:
- റീസെയിൽ മൂല്യം കുറയാനും
- മെന്റനൻസ് ചെലവ് കൂടാനും
കാരണമാകാം.
9. രേഖകൾ കൃത്യമായി പരിശോധിക്കണം
ലോൺ നടപടികൾ വേഗത്തിലാക്കാൻ ആവശ്യമായ രേഖകൾ മുൻകൂട്ടി തയ്യാറാക്കണം.
പ്രധാന രേഖകൾ:
- ആധാർ കാർഡ്
- PAN കാർഡ്
- ബാങ്ക് സ്റ്റേറ്റ്മെന്റ്
- വരുമാന രേഖ
- വിലാസ തെളിവ്
- RC Book
- ഇൻഷുറൻസ്
- പൊലൂഷൻ സർട്ടിഫിക്കറ്റ്
10. E20 പെട്രോൾ പഴയ കാറുകളുടെ മൈലേജിനെ ബാധിക്കുമോ?
ഇപ്പോൾ രാജ്യത്ത് E20 പെട്രോൾ വ്യാപകമാകുകയാണ്. 20% എഥനോൾ മിശ്രിതമുള്ള ഇന്ധനമാണ് E20. എന്നാൽ 2022-ന് മുമ്പുള്ള പല പെട്രോൾ വാഹനങ്ങളും പൂർണമായും E20 അനുയോജ്യം അല്ല.
ഇതിന്റെ ഫലമായി:
- മൈലേജ് കുറയാം
- എഞ്ചിൻ പെർഫോമൻസ് ബാധിക്കാം
- റബർ പാർട്സുകൾ വേഗം കേടാകാം
- ദീർഘകാല മെന്റനൻസ് ചെലവ് കൂടാം
ചില സാഹചര്യങ്ങളിൽ 3% മുതൽ 7% വരെ മൈലേജ് കുറയാമെന്നാണ് ഓട്ടോമൊബൈൽ വിദഗ്ധർ പറയുന്നത്.
അതുകൊണ്ട് യൂസ്ഡ് കാർ വാങ്ങുന്നതിന് മുൻപ്:
- വാഹനം E20 അനുയോജ്യം ആണോ?
- കമ്പനി ഔദ്യോഗിക പിന്തുണ നൽകിയിട്ടുണ്ടോ?
എന്നിവ പരിശോധിക്കുക.
11. ഇഎംഐ വരുമാനത്തിന് മുകളിലാകരുത്
വാഹന ലോൺ എടുക്കുമ്പോൾ EMI മാത്രം നോക്കരുത്.
കൂടാതെ കണക്കാക്കേണ്ട ചെലവുകൾ:
- ഇന്ധനം
- ഇൻഷുറൻസ്
- സർവീസ്
- ടയർ മാറ്റം
- വാർഷിക മെന്റനൻസ്
സാമ്പത്തിക വിദഗ്ധർ പറയുന്നതനുസരിച്ച് മൊത്തം EMI ബാധ്യത മാസവരുമാനത്തിന്റെ 40% കടക്കരുത്.
12. ടെസ്റ്റ് ഡ്രൈവ് നിർബന്ധമാണ്
വാഹനം വാങ്ങുന്നതിന് മുൻപ്:
- എഞ്ചിൻ ശബ്ദം
- ബ്രേക്ക്
- സ്റ്റിയറിങ്
- ക്ലച്ച്
- AC
- സസ്പെൻഷൻ
എല്ലാം ടെസ്റ്റ് ഡ്രൈവിലൂടെ പരിശോധിക്കണം.സാധ്യമെങ്കിൽ വിശ്വസനീയമായ മെക്കാനിക്കിനെ കൂടെ കൊണ്ടുപോകുന്നതും നല്ലതാണ്.
